Euskara maiatzeko Familia Medikuen eskaintzan

Goierri-Urola Garaia eta Tolosaldea Zerbitzu Erakundeetako lanpostu eskaintza gehienetan ere, nahiz eta zonalde euskaldunak izan, ez da euskararen ezagutzarik eskatzen.

Begiratu hau: https://labur.eus/lDKnN
Maiatzean Osakidetzak Familia Mediku kategoriarako egin duen bitarteko (Interinidade) lanpostu eskaintza da. Kasu gehienetan ez da euskara eskatzen. “Nombramiento Eventual Estable Flexible” kontratazio mota berria baliatuz egiten dute hau.

Besteak beste, deigarria da, zonalde horietako herrialde soziolinguistikoa kontutan harturik, Tolosaldea, Goierri edota Urola bezalako zonaldetarako lan eskaintzetan Osakidetzak euskararen ezagutza hain kasu gutxitan eskatzea.

Begi-bistakoa ere Bizkaiko egoera…

Donostialdea Zerbitzu Erakundea, aldiz, besteekin konparatuz, nahiko txukun. Bakoitzari berea.

Marketing kanpainen gainetik, hau da Osakidetzako zuzendaritzek euskararekiko duten jarrera.

Advertisements

Gure eskubidea delako, Osakidetzan, zerbitzua eta lana, euskaraz

Lan duina, bizitza duina”, lemapean LAB sindikatua burutzen ari den Ekimen Ibiltariaren baitan, eta Abenduaren 3an ospatzen den Euskararen Egunaren bezperan, gogoratu nahi dugu lan eta bizitza duina bateraezina dela gure hizkuntzan bizi eta lan egiteko ezintasunarekin. Eta hau bizitza eta lan eremu guztietan hala izanik ere, bereziki larria eta premiazkoa da osasungintza arloan. Irakurtzen jarraitu

Euskara Osakidetzan, interpreteekin lotsak estali?

Osakidetzainterprete irudiako LAB sindikatuaren idatzia: Barrualde-Galdakao ESIko medikuen prestakuntza espezializaturako ikasketa-burua izendatzeko lehiaketa publikoa zabaldu du Osakidetzak. Lehiaketara aurkeztu den medikuetako batek proiektua euskara hutsez aurkeztu du eta egun batzu barru epaimaiharen aurrean egin beharreko ahozko azalpena ere euskaraz egingo duela jakinarazi du. Irakurtzen jarraitu

EAJ: “Osakidetza euskalduntzea, guztion helburua”

Josune Gorospe, EAJko Legebiltzarkidearen idatzia:
Hamargarren Legegintzaldi hau hasi zenetik hona, sarritan izan dugu hizpide Osakidetzako Euskararen Erabilera Normalizatzeko Plana Eusko Legebiltzarrean. Hamaika aldiz hitz egin genuen gaiari buruz aurreko legegintzaldian ere. Bengoa sailburuak PSE-PPren artean sinatutako «acuerdo de bases»-en oinarrituta hainbat neurri hartu baitzituen, euretariko hainbat Osakidetzan Euskararen Erabilerari dagokionez atzerapauso nabarmenak. Idatzi osoa irakurri

Aitor Montes: Euskal Osasun Eredua

Aitor MontesEuskal eredua ezinezkoa dela esango dute batzuek, baztertzailea dela besteek. Baina historia klinikoa euskaraz eskaintzea utopia bat zen orain urte bi, eta dagoeneko proiektua abian da. Lan-tresna ditugun aplikazio informatikoak euskaraz edukitzea ez zen ekonomikoki bideragarria, baina Legebiltzarrak onartu du eta abian da. Zirkuituak edo euskararen ibilbideak burutapena baino ez ziren, baina Euskara Planak eta gizarte-eragileek onartu dituzte. Porrota umezurtza da, baina arrakastak aita asko ditu. Baikorra naiz, eta nire ustez urte batzu barru euskal eredua ezarrita egongo da, eta aurrera egingo du. Oraindik helburutik urrun gaudela aitortu beharra dago, baina batez ere borondaterik ez dagoelako; batzuk begitik urrun daukagu, baina askok bihotzetik urrunago. Idatzi osoa irakurri.

LAB eta ELAk osasun zerbitzu euskaldunen alde agerraldia egin dute.

lab ela legebiltzar aurrean kontzentrazioaLAB eta ELA sindikatuek Euskal Herri osoko osasun zerbitzuak euskaldundu daitezen oinarrizko ardatzak zeintzuk diren eta Osakidetzako II. Euskara Planaren inguruan egiten duten balorazioa jasotzen duen oharra jendarteratu dute. Osakidetzak aurkezturikoa Euskalduntze plan integrala ez dela salatzeko eta osasun zerbitzu euskaldunen alde, Darpon sailburuak Parlamentuan egindako agerraldiaren harira, kontzentrazioa egin zuten urtarrilaren 17an EAEko Parlamentuaren aurrean.

Kontseilua: Osakidetza euskalduntzeko beharrezkoa da neurri ausartak hartzea

Kontseilua - Osakidetza Euskara PlanaEuskararen normalizazio prozesuan Osakidetza bezalako zerbitzuen euskalduntzea garrantzitsua da oso, batetik egunero milaka herritarrek erabiltzen duten oinarrizko zerbitzua delako eta bestetik bertan milaka langilek lan egiten dutelako eta herritarren ikuspegitik osasun asistentzia oinarrizko eskubidea dela gogoratu behar dugu. Ez dago osasun asistentzia duina jasotzerik berezko hizkuntzan ez bada. Ezaugarri horiek egiten dute berezi Osakidetza eta horiek bilakatzen dute lehentasunezko euskararen normalizazio prozesu orokorrean. Albiste osoa irakurri